علي فكرة إنت منور💡
**نصائح هامة جدا في شهر رمضان إزاي متعطش كتير و متجعش كتير اثناء الصيام وتحافظ علي نشاطك طول اليوم.
1- ماتشربوش ميه كتير ع السحور مش بس لان الجسم هيتخلص منها بعد السحور بفتره قليله ده كمان هيخرج معاها الصوديوم وده هيخليكوا مفرهدين جدا ومش مركزين طول اليوم
2- معندناش اماكن نخزن فيها الميه ف جسمنا لكن ممكن خلايا الجسم نستغلها ف تخزين الميه إزااااااي
الموز والمشمش المجفف فيهم كميات كبيرة من البوتاسيوم اللى بيقدر يسحب الميه من الدم ويخزنها جوا الخلايا. وجود اى منهم على السحور بيضمن بشكل كبير انك ماتعطش وانت صايم .
3- جسمنا مابيقدرش يهضم السليلوز وبالتالي بيتاخر ف عمليه هضمه وبيدي شعور بالامتلاء والشبع. وجود اطعمه بتحتوي علي السليلوز في وجبه السحور زي الفول المدمس والفجل واللفت والجرجير والبروكلي بيضمن بشكل كبير انك ماتجوعش اثناء فتره الصيام ده غير ان سعراته الحراريه قليله وهيساعد الناس اللي بتستغل الصيام في انقاص وزنها.
4- الزبادى ده تاكله ع الفطار عشان البكتيريا اللى فيه تحاول تهضم الجريمه اللى عملتها ف معدتك وانت بتفطر، لكن ع السحور بتهيالى اخر حاجه هتبقى محتاجها انك تهضم اللى كلته بدرى
5- ماتتفرجوش على سلسلات رمضان 😂
كل سنه وانتوا طيبين ، رمضان كريم
